भारतीय कोळसा खाण कामगार संघाकडून रक्तदान शिबिराचे आयोजन

• 125 रक्तदात्यांनी रक्तदान केले
• वेकोलि बल्लारपूर क्षेत्रातील सास्ती टाऊनशिपमध्ये आयोजन

आमचा विदर्भ - ब्युरो रिपोर्ट्स

राजुरा -

भारतीय कोळसा खाण कामगार संघटना वर्धा व्हॅली चंद्रपूर/बल्लारपूर यांच्याकडून 14 ऑक्टोबर गुरुवारी सास्ती टाऊनशिप मधील क्षेत्रीय कार्यालय विश्वकर्मा भवन येथे भव्य रक्तदान शिबीराचे आयोजन करण्यात आले होते.

कामगार नेते दत्तोपंत ठेंगडी यांची पुण्यतिथी समरसता दिवस म्हणून साजरी केली जाते. समसरता दिवसाचे औचित्य साधून भव्य रक्तदान शिबिराचे आयोजन करण्यात आले होते. उदघाटन क्षेत्रीय महाव्यवस्थापक सब्यसाची डे यांचे हस्ते करण्यात आले. यावेळी रमेश मुफकलवार, अखिल भारतीय खाण कामगार संघटनेचे महामंत्री सुधीर घुरडे, उपाध्यक्ष विवेक अल्लेवार, क्षेत्रीय रुग्णालयाचे डॉ. चंद्रशेखर, कार्मिक अधिकारी शैलेश माटे, सुरक्षा समिती सदस्य दिलीप सातपुते आणि महिला प्रतिनिधी श्रीमती विजय पिका यांचेसह इतर अनेक अधिकारी आणि कामगार उपस्थित होते. 

क्षेत्रीय महाव्यवस्थापक सब्यसाची डे यांनी उपस्थित रक्तदात्यांना प्रोत्साहित करत कोरोना काळात केलेल्या रक्तदानाचे महत्त्व सांगत या रक्तदान शिबिर कार्यक्रमाचे कौतुक केले. अखिल भारतीय खाण कामगार संघटनेचे महामंत्री सुधीर घुरडे यांनी उपस्थित कामगार व रक्तदात्यांना दत्तोपंत ठेंगडी यांच्या जीवनावर प्रकाश टाकत संस्थेचे धोरण आणि संस्थेमार्फत करण्यात येत असलेल्या सामाजिक दायित्वांतर्गत होणाऱ्या कार्यक्रमाची माहिती दिली. यावेळी 125 रक्तदात्यांनी रक्तदान केले. हेडगेवार रक्तपेढी नागपूरला रक्तदान करण्यात आले.

कार्यक्रमाचे संचालन भारतीय कोळसा खाण कामगार संघटनेचे सरचिटणीस जोगेंद्र यादव यांनी केले. कार्यक्रमाच्या यश्वीतेकरिता अनिल निब्रड, शांताराम वांढरे, पी.बी. पाटील, बादल गर्गेलवार, सुरेश बोबडे, समय्या एलकापल्ली, प्रमोद पाचभाई यांचेसह अनेक कामगारांचे सहकार्य लाभले. रक्तदान शिबीर यशस्वी करण्यासाठी हेडगेवार रक्तपेढीचे सर्व अधिकारी, कर्मचारी, रक्तदाते आणि कामगारांचे भारतीय कोळसा खाण कामगार संघाकडून आभार व्यक्त करण्यात आले.