वन विभागाच्या तपासणी नाक्याला सिमेंट टँकर ने उडविले

• सुदैवाने जीवित हानी नाही

अविनाश रामटेके - आमचा विदर्भ प्रतिनिधी

विरूर स्टेशन - राजुरा -

तेलंगणातून भरधाव वेगात येणाऱ्या सिमेंट टँकरच्या चालकाचे नियंत्रण सुटल्यामुळे लक्कडकोट येथील आसिफाबाद मार्गावरील वन विभागाचे तपासणी नाक्याला जबर धडक दिली. या भीषण धडकेत वन विभागाच्या तपासणी नाक्याचे मोठे नुकसान झाले. नाक्यावरील कर्मचारी नुकताच लघुशंकेकरिता गेल्यामुळे सुदैवाने जीवित हानी टळली. घटना बुधवारी रात्री ८.३० च्या दरम्यान घडली. घटनेची माहिती मिळताच गावात तारांबळ उडाली. विशेष म्हणजे या तपासणी नाक्या समोरच दारूबंदी साठी तैनात करण्यात आलेल्या पोलिसांचा दिवसरात्र पहारा असतो, हे विशेष.