मूर्ती शाळेत शिवजयंती उत्साहात साजरी !

अनिल गंपावार - आमचा विदर्भ तालुका प्रतिनिधी

राजुरा -

जिल्हा परिषद उच्च प्राथमिक शाळा, मूर्ती येथे कुळवाडी भूषण बहुजन प्रतिपालक छत्रपती शिवाजी महाराज यांची ३९१ वी जयंती मोठ्या उत्साहात साजरी करण्यात आली. याप्रसंगी शाळा व्यवस्थापन समिती अध्यक्ष ज्ञानेश्वर डाखरे यांच्या हस्ते छत्रपती शिवाजी महाराज यांच्या प्रतिमेचे पुजन व मालार्पण करून कार्यक्रमाचे उद्घाटन करण्यात आले. त्यानंतर शालेय विद्यार्थी आपल्या भाषणातून भरभरून अभिव्यक्त झाले. 

सदर कार्यक्रमाचे संचालन कु. प्रियानी प्रवेश जुलमे, तर आभार कु. श्रेया पंढरी पिपरे या विद्यार्थीनींनी आत्मविश्वासाने केले. याप्रसंगी शाळा व्यवस्थापन समिती सदस्या सौ. कल्पनाताई कोडापे, मुख्याध्यापक महेश शेंडे, मनिष मंगरूळकर, दयानंद पवार, संजय बोबाटे व शालेय विद्यार्थीवृंद उपस्थित होते.