नोंदणी केलेल्या शेतकर्‍यांनी सीसीआय केंद्रावर कापूस विक्रीसाठी आणावा - सभापती कवडू पोटे

• आता शेतकर्‍यांना आपला अनुक्रमांक येण्याची वाट पाहण्याची गरज नाही
• कापूस तातडीने घेण्याची सोय

अनंता गोखरे - तालुका प्रतिनिधी

राजुरा -

राजुरा आणि कोरपणा तालुक्यातील शेतकर्‍यांनी राजुरा कृषी बाजार समितीत नोंदणी करून आपल्या क्रमांकाची वाट न पाहता राजुरा तालुक्यातील सीसीआयच्या तीन खरेदी केंद्रावर आपला कापूस विक्रीसाठी आणावा, अशी विनंती वजा सुचना राजुरा कृषी उत्पन्न बाजार समितीचे सभापती कवडू पोटे यांनी केली आहे.

राजुरा तालुक्यात आसिफाबाद मार्गावरील किसान जिनिंग अँड प्रेसिंग तुलाना, गडचांदूर मार्गावरील गणेश कोटेक्श खामोना आणि वैभ कॉन्टेक या तीन ठिकाणी सीसीआय कापूस खरेदी केंद्र सुरू झाले आहे. शेतकर्‍यांनी मोठ्या प्रमाणात राजुरा बाजार समितीत नोंदणी केली आहे. मात्र आता शेतकर्‍यांना आपला अनुक्रमांक येण्याची वाट पाहण्याची गरज नाही. त्यांचा कापूस तातडीने घेण्याची सोय करण्यात आली आहे. त्यामुळे शेतकर्‍यांनी आधारभूत किमतीत आपला कापूस विक्री करण्यासाठी कोणत्याही खाजगी व्यापाऱ्याकडे न नेता वरील जिनिंग मध्ये विक्रीसाठी न्यावा, असे आवाहन राजुरा कृषी उत्पन्न बाजार समितीचे सभापती कवडू पाटील पोटे व सचिव एम.जे. मेश्राम मॅडम यांनी केले आहे.