राजू रेड्डी यांच्या नेतृत्वाखाली जाहीर निषेधालाच आधार मिळेना

• काँग्रेस कमेटी पडळकरांचा निषेध

पंकज रामटेके - आमचा विदर्भ प्रतिनिधी

घुगुस -

9 सप्टेंबरला सायंकाळी 5:30 वाजता सर्व घुग्घुस काँग्रेस सर्व आजी माजी पदाधिकारी कार्यकर्ता आपण सर्वांनी महाराष्ट्राचे मंत्री विजय वडेट्टीवार यांच्या बद्दल अपशब्द बोलणारे आमदार गोपीचंद पडळकर यांचा जाहीर निषेध व्यक्त करण्यासाठी शहर काँग्रेस जनसंपर्क कार्यालयात उपस्थित राहावे राजू रेड्डी अध्यक्ष घुग्घुस कमेटी अशी पोस्ट सोशल मीडिया माध्यमात टाकण्यात आली होती परंतु घुग्घुस काँग्रेस कमेटीचे अध्यक्ष राजू रेड्डी यांच्या नेतृत्वाखाली झालेल्या जाहीर निषेधाला घुग्घुस काँग्रेसच्या आजी-माजी पदाधिकारी कार्यकर्त्यांनीच प्रतिसाद दिला नाही जेमतेम बोटावर मोजण्याइतके काँग्रेसचे कार्यकर्ते उपस्थित होते.

यावेळी भाजप आमदार गोपीचंद पडळकर यांच्या प्रतिकात्मक पुतळ्याचा जाहीर निषेध करण्यात आला. राजू रेड्डी अध्यक्ष काँग्रेस कमेटी यांच्या नेतृत्वाखाली जाहीर निषेधास कार्यकर्त्यांचा आधारच मिळेना अशी स्थिती निर्माण झाली. घुग्घुस येथील काँग्रेसची गटबाजी ही सर्वश्रुत आहे पालकमंत्री विजय वडेट्टीवार, खासदार बाळू धानोरकर, जिल्हाध्यक्ष प्रकाश देवतळे हे घुग्घुस शहरात आले असता त्याकडे काँग्रेसच्या एका गटाने नेहमीच पाठफिरवली.