२८ हजार वाहनधारकांना नोटीस

• २८ हजार वाहनधारकांना नोटीस 
• ११ डिसेंबरपूर्वी चालांनची रक्कम जमा करण्याचे आदेश

शशी ठक्कर - आमचा विदर्भ प्रतिनिधी

चंद्रपूर -

वाहतूक नियमांचे उल्लंघन केल्यास संबंधित वाहनाला चालना देऊन दंड आकारला जातो. मात्र, अनेक वाहनचालकांना दंड आकारल्यानंतर देखील वाहन चालक दंड भरत नसल्याचे बहुतांश वेळा दिसून येते. परंतु, आता दंड न भरणाऱ्या वाहनचालकांना चांगलेच महागात पडणार आहे. कारण की, चंद्रपूर येथील वाहतूक विभागाने प्रलंबित चालनासह सुमारे 28 हजार वाहनधारकांना चालान भरण्याच्या नोटीस बजावल्या आहेत. शिवाय 11 डिसेंबरपूर्वी दंड भरण्याचे आदेशही दिले आहेत. तसे न केल्यास न्यायालयात खटला दाखल करण्याचा इशारा वाहतूक विभागाकडून वाहन चालकांना देण्यात आला आहे. मोटार वाहन कायद्यानुसार वाहतकीचे नियम पाळून वाहन चालविण्याकरिता वाहतूक विभागाकडून अनेकदा विविध माध्यमातून विनंती केली जाते. शिवाय वाहन कायद्यात दुचाकी, चारचाकी, ऑटो, स्थलांतरित वाहने, अवजड वाहनांसाठी वेगवेगळे नियम आहेत. मात्र, अनेक वेळा वाहनचालक वाहतुकीचे नियम मोडतांना दिसून येते. चंद्रपूर शहरात तर ही बाब सर्रास दिसून येते. वाहतूक विभाग अशा वाहनचालकांना चालन देऊन त्यांच्यावर दंडात्मक कारवाई करतो. मात्र, दंड केल्यावर बरेच वाहनचालक दंड भरत नाहीत. परंतु, आता अशा प्रकारे चालन न भरणाऱ्यांवर वाहन चालकांवर कारवाई करण्याची तयारी विभागाने केली आहे. 11 डिसेंबर रोजी लोकअदालत होणार आहे. 28 हजार वाहन चालकांना लोकअदालतीपूर्वी दंड भरण्याच्या नोटिसा देण्यात आल्या आहेत. तसेच 11 डिसेंबरपूर्वी संबंधित पोलिस ठाण्यात दंड न भरल्यास 11 डिसेंबर रोजी होणाऱ्या लोकअदालतीमध्ये उपस्थित राहण्याचे आदेश देण्यात आले आहेत. लोकअदालतीमध्ये देखील गैरहजर राहिल्यास प्रकरण न्यायालयात नेण्याचा इशारा देण्यात आला आहे

50 हजारांहून अधिकांनी दंड तर भरलाच नाही

15 दिवसांपासून एक हजार रुपयांपेक्षा जास्त दंड न भरलेल्या 28 हजार वाहन धारकांना नोटिसा पाठविण्यात आल्या आहेत. तसेच अशा प्रकारे चालान न भरणाऱ्या वाहन चालकांची संख्या ही 50 हजारांहून अधिक आहे. उर्वरित वाहन चालकांना लवकरच नोटिसा पाठविण्याची प्रक्रिया वाहतूक विभाग सुरू करणार आहे. त्यामुळे आता तरी वाहन चालकांनी दंड भरून वाहतुकीचे नियम पाळावे. हीच अपेक्षा वाहतूक विभागाला आहे.