नाका नं. ३ जवळ पडक्या घरात आढळला अनोळखी व्यक्तीचा मृतदेह

हत्या की आत्महत्या? पोलीस यंत्रणा तपासात गुंतली

आमचा विदर्भ - दीपक शर्मा द्वारे

राजुरा (दि. ३० ऑगस्ट २०२३) - 

        येथील नाका क्रमांक तीन जवळ संतोष विधाते यांचे जुने रिकामे घर आहे. यांच्या घरी एका अज्ञात इसमाचा फाशी लागलेला मृतदेह आढळल्याने एकच खळबळ माजली आहे. सदर व्यक्तीचा मृत्यू जवळपास चार-पाच दिवसांपूर्वी झाला असावा. मृतदेह कुजल्यामुळे मृतदेहातून वास सुटू लागली. वास कशाची येतेय याचा शोध शेजाऱ्यांनी घेतल्यानंतर त्यांना संतोष विधाते यांच्या निर्जन घरात अज्ञात व्यक्तीचा मृतदेह आढळून आला. घरमालक संतोष विधाते यांनी पोलिसांना माहिती दिली. पोलिसांनी पंचनामा करून मृतदेह ताब्यात घेऊन तपास सुरू केला असून वृत्त प्रकाशित होत पर्यंत मात्र मृतकाचे ओळख पटली नव्हती. परिविक्षाधीन पोलीस अधिकारी विशाल नागरगोजे, पोलीस उपनिरीक्षक धर्मेंद्र जोशी, वाकडे सर, ओमप्रकाश गेडाम, मेजर आत्राम व अन्य पोलीस कर्मचारी तपासकार्यात लागले आहे. (Murder or suicide? The police system was involved in the investigation)

        ही घटना हत्या आहे कि आत्महत्या याचा छडा पोलीस लावत असून अज्ञात व्यक्तीने दुसऱ्याच्या घरी जाऊन आत्महत्या का केली असा प्रश्न उपस्थित केला जात आहे. यातील सत्य शोधणे पोलिसांसमोर आवाहन आहे. (Police Station Rajura) (aamcha vidarbha)